Prokurori i Përgjithshëm i Ukrainës thotë se po heton vdekjen e shtatë civilëve të gjetur me duar të lidhura pas shpine pranë periferisë së Kievit, Bucha.
Gjatë një hetimi të pozicioneve të mbajtura nga Rusia në pyllin pranë fshatit Myrotske, autoritetet thanë se“trupat e shtatë civilëve me plagë nga armë zjarri dhe duar të lidhura pas shpine u gjetën në gropë”.
Policia kombëtare e Ukrainës tha të hënën se në të gjithë vendin ata ende po përpiqen të identifikojnë trupat e 1200 civilëve.
“Ky është një proces i gjatë, mjaft i mundimshëm, sepse shumë trupa janë prishur” tha shefi i Policisë Kombëtare, Ihor Klymenko për Interfax Ukraine. “Ne zgjedhim ADN-në nga ata të afërm që na kontaktuan përmes linjës telefonike dhe më pas krahasojmë profilet e këtyre të afërmve me profilet e të vdekurve, të varrosurve, të pushkatuarve, të cilët nuk mund të identifikoheshin”.
Ai tha se policia aktualisht po heton vdekjen e më shumë se 12,000 civilëve në të gjithë vendin.
Në Bucha, tha ai, ishte gjetur një varr masiv me 116 persona. Ai tha se disa varre masive ishin rezultat i banorëve të cilët mblodhën kufomat nga rrugët dhe i varrosën në parqet aty pranë./UBTNews/