Bordi i Shërbimit Spitalor Klinik Universitar i Kosovës e ka emëruar Valbon Krasniqin drejtor të ShSKUK-së. Kështu ka vendosur bordi Drejtues i Shërbimit Spitalor Klinik Universitar të Kosovës në mbledhjen e së mërkurës ku në mënyrë unanime e ka votuar Raportin e Komisionit Vlerësues.
“Bordi Drejtues i Shërbimit Spitalor Klinik Universitar të Kosovës, në mbledhjen e mbajtur më 10 shkurt 2021, në mënyrë unanime, e ka votuar Raportin e Komisionit Vlerësues, në bazë të të cilit drejtor i përgjithshëm i SHSKUK-së emërohet dr. Valbon Krasniqi”, shkruhet në njoftimin e ShSKUK-së.