Ministri i Punëve të Brendshme, Xhelal Sveçla, ka marrë dozën e parë të vaksinës AstraZeneca. Sveçla tha për Ekonomia Online se është e rëndësishme që të gjithë të vaksinohen në mënyrë që t’i kthehemi normalitetit.
“Është e rëndësishme që të vaksinohen në mënyrë që t’i evitojmë situata që i kishim më herët dhe t’i kthemi normalitetit”, deklaroi ai.
Ministri Sevçla është vaksinuar në Qendrën e Vaksinimit salla “1 Tetori”, në Prishtinë.
Kosova nisi vaksinimin kundër koronavirusit në fund të marsit, ndërkaq më 15 qershor nisi vaksinimi masiv. Deri më 7 korrik, në Kosovë janë vaksinuar mbi 236 mijë qytetarë, ku rreth 58 mijë prej tyre janë vaksinuar plotësisht.