Forcat ruse në Khersonin e pushtuar po përgatisin “pozicione mbrojtëse” përgjatë bregut lindor të lumit Dnipro dhe po lënë shtigje të vogla për një “tërheqje të mundshme” nga bregu perëndimor, pretendoi ushtria e Ukrainës të martën.
“Sipas informacionit të disponueshëm, armiku po rregullon pozicione mbrojtëse në bregun e majtë (lindor) të lumit Dnipro në rajonin Kherson” thanë Forcat e Armatosura të Ukrainës në përditësimin e tyre.
“Afër vendbanimit Hornostaivka, njësitë e trupave pushtuese ruse po vendosin mina përgjatë vijës bregdetare, duke lënë shtigje të vogla për tërheqjen e mundshme të trupave të tyre nga bregu i djathtë (perëndimor)”.
Mediat ende nuk e kanë verifikuar këtë informacion./UBTNews/