Forcat izraelite sulmuan një numër të stafit mjekësor dhe infermierët brenda spitalit al-Shifa, tha zyra e mediave e qeverisë së Gazës.
“I detyruan të hiqnin rrobat, i shanin dhe mallkonin. Ata i kërkuan personelit mjekësor të largohej nga stacionet e tyre, në mënyrë që të mund t’i merrnin në pyetje nën kërcënimin e armëve”, tha zyra për media.
Zyra tha gjithashtu se ushtarët izraelitë dëbuan një numër fëmijësh dhe disa pacientë, “duke i privuar nga trajtimi dhe duke i lënë ata të përballen me kërcënimet e bombardimeve, snajperëve dhe dronëve vdekjeprurës”./UBTNews/