Raketat ruse shënjestruan një ndërtesë administrative në qytetin e dytë më të madh të Ukrainës, Kharkiv, të martën në mëngjes, sipas kryebashkiakut të qytetit, ndërsa një kolonë masive ushtarake ruse u grumbullua në periferi të kryeqytetit Kiev, përcjell UBT News.
Përmbledhje e ngjarjeve të fundit:
- Në ditën e gjashtë të luftës, trupat ruse po vazhdojnë përpjekjet për të hyrë në territorin ukrainas, duke avancuar drejt kryeqytetit dhe duke vendosur pika kontrolli jashtë disa qyteteve.
- Ushtria ruse të martën arriti në qytetin jugor të Ukrainës, Kherson, afër Krimesë dhe po vendos pika kontrolli në periferi të qytetit, tha kryebashkiaku i saj.
- Në qytetin verilindor të Okhtykas, gati 70 ushtarakë ukrainas u vranë në një bombardim rus të hënën, sipas guvernatorit rajonal.
- Udhëheqësi çeçen rus Ramzan Kadyrov, një aleat i presidentit Vladimir Putin, tha të martën se dy luftëtarë çeçenë u vranë dhe gjashtë u plagosën në raportin e tij të parë të viktimave në luftë.
- Gjykata Ndërkombëtare Penale (ICC) ka në plan të hapë një hetim mbi pushtimin rus të Ukrainës dhe krimet e dyshuara të luftës të kryera atje.
- Kyiv thotë se 352 civilë janë vrarë, duke përfshirë 14 fëmijë, që nga fillimi i pushtimit të enjten e kaluar.
- Agjencia e OKB-së për refugjatët thotë se më shumë se gjysmë milioni refugjatë tani kanë ikur nga Ukraina për në vendet fqinje./UBTNews/