Parlamenti i Ukrainës ka vendosur sanksione gjithëpërfshirëse 50-vjeçare ndaj institucioneve financiare ruse, përfshirë bankën qendrore, të gjitha bankat tregtare, fondet e investimeve, siguruesit dhe ndërmarrjet e tjera.
“Është një bllokim i plotë i aksesit të institucioneve financiare të Federatës Ruse në tregjet dhe asetet në Ukrainë. Një bllokim i plotë”, tha Andriy Pyshnyy, guvernatori i Bankës Kombëtare të Ukrainës, në Facebook.
“Duhet ta dobësojmë atë me të gjitha mjetet në dispozicion. Është sektori financiar ai që është një ‘donator’ strategjik i kësaj lufte”.
Një shumicë dërrmuese prej 325 deputetësh votuan për të mbështetur masat, që synohen të zbatohen për gjysmë shekulli. Ministrja e Ekonomisë, Julia Svyrydenko, tha se sanksionet sektoriale do të preknin qindra banka dhe dhjetëra mijëra institucione financiare të regjistruara në Rusi./UBTNews/