Forcat ajrore të Ukrainës thonë se kanë rrëzuar 13 dronë rusë gjatë natës deri të hënën pasi sirenat e sulmit ajror u dëgjuan për orë të tëra në Kiev.
Forcat ajrore njoftuan përmes Telegramit se forcat ruse kanë lëshuar 15 dronë Shahed të prodhuar nga Irani nga rajoni Bryansk në verilindje të Kievit, 13 prej të cilëve forcat ukrainase i rrëzuan.
Kreu i administratës ushtarake të qytetit, Sergiy Popko, tha se dronët ishin nisur për në Kiev, por forcat e mbrojtjes ajrore të Ukrainës i rrëzuan. Nuk raportohet për të lënduar apo dëme në infrastrukturë./UBTNews/