Ushtria ukrainase pretendon se forcat e saj kanë rimarrë sërish kontrollin në qytetin Makariv, i cili ndodhet shumë pranë Kievit.
Në përditësimin e fundit mbi konfliktin, Shtabi i Përgjithshëm i Forcave të Armatosura të Ukrainës thotë se trupat vendase i shtynë ushtarët ruse nga Makariv, rreth 60 km në perëndim të kryeqytetit.
“Falë veprimeve heroike të mbrojtësve tanë, flamuri shtetëror i Ukrainës u ngrit mbi qytetin e Makariv, armiku u refuzua”, shkruhet në faqen e shtabit.
Kjo deklaratë vjen tre ditë pasi një sulm rus me mortaja në qytet vrau shtatë persona.