Sekretari i Përgjithshëm i NATO-s, Jens Stoltenberg, tha të enjten se Ukraina po fiton “ngadalë terren” në kundërsulmin e saj, pavarësisht luftimeve të vështira.
Duke folur para anëtarëve të Parlamentit Evropian, Stoltenberg tha se mbështetja nga aleatët e NATO-s ndihmoi në nisjen e kundërofensive të Ukrainës, e cila tani ka filluar të japë fryte.
“Ukrainasit po fitojnë gradualisht terren”, tha ai. “Këto janë luftime të rënda, luftime të vështira, por ata kanë qenë në gjendje të thyejnë linjat mbrojtëse të forcave ruse. Dhe ata po ecin përpara”./UBTNews/