Kancelari gjerman, Olaf Scholz njoftoi të mërkurën se ai dëshiron të diskutojë skicat e një “Plani Marshall për Ukrainën”, me liderët e shteteve të G7 në samitin e ardhshëm në Gjermani.
“Ashtu si Evropa u shkatërrua nga lufta, Ukraina ka nevojë për një plan Marshall për rindërtim”, u tha Scholz ligjvënësve në Bundestag, duke shtuar se rindërtimi i Ukrainës do të ishte një “detyrë për brezat”.
Plani Marshall, një iniciativë e financuar nga ShBA, e miratuar në vitin 1948, ndihmoi në rindërtimin e Evropës Perëndimore pas Luftës së Dytë Botërore. Scholz shpreson për një front të bashkuar për mbështetjen afatgjatë për Ukrainën kur Gjermania të presë samitin vjetor të G7 në Bavari.
Pas vizitës së tij javën e kaluar në Irpin, periferia e Kievit ku pati luftime intensive në fillim të luftës në Ukrainë, Scholz tha se ajo ia kujtoi atij “fotografitë e qyteteve gjermane pas Luftës së Dytë Botërore”.
Do të nevojiteshin miliarda dollarë për Ukrainën për të financuar rindërtimin gjatë disa viteve, tha ai, duke shtuar se kjo do të ishte e mundur vetëm nëse kombet evropiane, vendet e tjera donatore të mëdha dhe organizatat ndërkombëtare punojnë së bashku./UBTNews/