Presidenti ukrainas, Volodymyr Zelensky u tha udhëheqësve të NATO-s të mërkurën se vendi i tij kishte nevojë për më shumë armë dhe para për t’u mbrojtur kundër Rusisë, duke paralajmëruar se ambiciet e Moskës nuk ndaleshin tek Ukraina.
“Kjo nuk është një luftë që po bëhet nga Rusia vetëm kundër Ukrainës. Kjo është një luftë për të drejtën për të diktuar kushtet në Evropë për atë se si do të jetë rendi botëror në të ardhmen“, tha ai në një fjalim virtual në një samit të vendeve perëndimore.
“Kjo është arsyeja pse është absolutisht e nevojshme të mbështetet Ukraina, madje edhe tani, me armë, financa dhe sanksione politike kundër Rusisë, e cila do të ndalojë aftësinë e saj për të paguar për luftën“, tha Zelensky duke shtuar se Ukraina kishte nevojë për sisteme moderne raketore dhe të mbrojtjes ajrore.
Moska i quan veprimet e saj një “operacion special ushtarak” për të çarmatosur Ukrainën dhe për ta çliruar atë nga ajo që e quan nacionalizmi anti-rus të nxitur nga Perëndimi. Ukraina dhe Perëndimi thonë se Rusia filloi një luftë agresioni të paprovokuar. /UBTNews/