Shërbimi i sigurisë i Ukrainës tha se ka nisur një hetim penal sipas një ligji për mbledhjen e informacionit pasi një “pajisje teknike” u gjet në një zyrë që mund të ishte përdorur në të ardhmen nga Komandanti i Përgjithshëm, Valery Zaluzhnyi.
Shërbimi i sigurisë tha në aplikacionin e mesazheve Telegram se një hetim ishte hapur në bazë të një neni në kodin penal të Ukrainës mbi “blerjen, shitjen ose përdorimin e paligjshëm të mjeteve të veçanta teknike për marrjen e informacionit”.
Ai shtoi se pajisja u konsiderua sipas informacionit paraprak se ishte “në një gjendje jo funksionale” dhe nuk u gjet asnjë mjet për ruajtjen e informacionit ose transmetim në distancë të regjistrimeve audio.
“Theksojmë se pajisja nuk është gjetur direkt në zyrën e Valery Zaluzhnyi por në një nga ambientet që mund të ishte përdorur nga ai në të ardhmen për punë”, tha shërbimi.
“Shërbimi i Sigurisë i Ukrainës po merr të gjitha masat e përcaktuara me ligj për të hetuar këtë vepër”, shtoi ai./UBTNews/