Kievi dhe Zagrebi u pajtuan për mundësinë e përdorimit të porteve kroate mbi lumin Danub për të eksportuar grurë ukrainas, tha ministri i Jashtëm, Dmytro Kuleba, pas një takimi me homologun e tij, Gordan Grlic-Radman.
“Ne u pajtuam për mundësinë e përdorimit të porteve kroate në Danub dhe Detin Adriatik për të transportuar grurë ukrainas”, tha Kuleba. “Tani do të punojmë për të ndërtuar rrugët më efikase drejt këtyre porteve dhe do të shfrytëzojmë sa më shumë këtë mundësi”.
“Çdo kontribut për zhbllokimin e eksporteve, çdo derë e hapur është një kontribut real, efektiv për sigurinë ushqimore në botë. I jam mirënjohës Kroacisë për ndihmën e saj konstruktive”, shtoi ai./UBTNews/