UBT ka shpallur të hapur thirrjen për shkëmbim studentor në Sapienza University of Rome në Itali, në kuadër të programit Erasmus+.
Për të aplikuar për këtë shkëmbim studentor, ju duhet të jeni student i UBT-së në vitin e dytë ose të tretë në programin Bachelor, ose student i vitit të dytë në nivelin master, të jeni student në njërin prej nga programet e studimit që ofrohen edhe në Sapienza University of Rome, në gjuhën angleze, të keni notën mesatare mbi 8.5, si dhe të posedoni njohuri të gjuhës angleze ose gjuhës italiane në nivelin B2.
Bursa që ofron Erasmus+, në bashkëpunim me UBT-në dhe Sapienza University of Rome, përfshin vijimin e studimeve për një semestër pa pagesë në Sapienza University of Rome, përkrahje financiare për mbulimin e shpenzimeve të jetesës, si dhe përkrahje financiare për mbulimin e shpenzimeve të udhëtimit.
Të gjithë studentët që i përmbushin kriteret e lartpërmendura dhe që janë të interesuar për shkëmbim studentor, duhet të plotësojnë formën e aplikimit online në vegëzën: Sapienza University of Rome – Aplikimi, teksa data e fundit për aplikim është 13 mars 2022, ora 23:00.