UBT dhe Universiteti i Sakarya nga Turqia kanë nënshkruar një marrëveshje për themelimin e një teknoparku të ri në kampusin e UBT-së në Prizren. Marrëveshja u nënshkrua nga Rektori i UBT-së, Edmond Hajrizi, me Drejtorin e Sakarya University Technopark, Yakup Köseoğlu.
Technoparku do të ofrojë një ambient modern dhe të përshtatshëm për start-up-et dhe kompanitë teknologjike, duke promovuar kërkime dhe zhvillime shkencore dhe krijuar një mjedis të përshtatshëm për rritjen e inovacionit. Ky projekt do të forcojë lidhjet ndërkombëtare dhe të kontribuojë në rritjen e ekonomisë dhe zhvillimin e teknologjisë në Kosovë dhe rajon.
Në deklaratën e tij, Rektori Edmond Hajrizi shprehu konsideratën për mundësinë e krijuar për të thelluar lidhjet me një partner si Sakarya University Technopark dhe besimin se ky bashkëpunim do të sjellë shumë avantazhe për të dy institucionet në fushën e inovacionit dhe zhvillimit të biznesit.
