Autoriteti Turk i Teknologjive të Informacionit dhe Komunikimit (TKM) tha të premten se bllokoi qasjen në Instagram.
Nuk u dha asnjë arsye për këtë veprim, por ai erdhi pasi drejtori i Komunikimit i vendit, Fahrettin Altun kritikoi platformën e mediave sociale, duke thënë se “po i pengon në mënyrë aktive njerëzit të postojnë mesazhe ngushëllimi për vdekjen e liderit të Hamasit [Ismail] Haniyeh pa përmendur ndonjë shkelje të politikës.”
“Kjo është censurë, e pastër dhe e thjeshtë,” tha ai në një postim në X të mërkurën pas vrasjes së Haniyeh në Teheran.
“Ne do ta mbrojmë lirinë e fjalës kundër këtyre platformave që kanë treguar shumë herë se janë kryesisht në shërbim të sistemit global shfrytëzues të padrejtësisë”, shtoi ai.
Haniyeh u vra të mërkurën në kryeqytetin iranian Teheran. Ndërsa Hamasi dhe Irani fajësuan Izraelin për vrasjen, Tel Avivi nuk e ka konfirmuar apo mohuar përgjegjësinë e tij./UBTNews/