Trupi i pajetë i një gruaje 70-vjeçare është gjetur në shtëpinë e saj në veri të Italisë, dy vjet pas vdekjes së saj.
Marinella Beretta jetonte e vetme pranë liqenit Como në Lombardi. Trupi i saj i dekompozuar u zbulua të premten nga brigada e zjarrfikësve në Como pas ankesave se një pemë kishte rënë në kopshtin e saj, konfirmoi për CNN të mërkurën oficerja e shtypit e bashkisë së Como, Francesca Manfredi. Trupi i Berettës u gjet në një karrige në dhomën e ndejës.
Manfredi i tha CNN-it se shkaku i vdekjes së Beretës është i panjohur dhe se ekzaminuesi ligjor ka vërtetuar se ajo ka vdekur diku nga fundi i vitit 2019, bazuar në nivelin e kalbjes në trupin e saj.
Trupi i Beretës u dërgua në morg dhe data e varrimit ende nuk është caktuar./UBTNews