Mbi 2,000 trupa të udhëhequra nga Rusia filluan të tërhiqen nga Kazakistani pasi ishin vendosur kur protestat paqësore për rritjen e çmimit të energjisë, të cilat më pas u shndërruan në të dhunshme ku sipas autoriteteve të vendit, mbetën të vrarë mbi 150 persona.
Vendimi për dërgimin e paqeruajtësve ishte i pari për Organizatën e Traktatit të Sigurisë Kolektive (CSTO) të udhëhequr nga Moska, shpesh e shpallur nga Rusia si një ekuivalent i NATO-s.
Në një ceremoni që shënon fundin e misionit të CSTO-së, ushtarët u rreshtuan teksa himnet e secilit prej gjashtë vendeve anëtare të CSTO-së u lëshuan përpara fillimit të fjalimeve zyrtare.
“Operacioni paqeruajtës ka përfunduar … detyrat janë përmbushur”, tha gjenerali rus Andrei Serdyukov, komandanti i kontingjentit të CSTO-së.
Presidenti i Kazakistanit, Kassym-Jomart Tokayev, tha të mërkurën se forcat ruse dhe aleate “luajtën një rol shumë të rëndësishëm në drejtim të stabilizimit të situatës në vend” gjatë vizitës së tij të parë në qytetin kryesor të vendit, Almaty./UBTNews/