Ish-presidenti Donald Trump doli fitues në Pensilvani me 19 vota elektorale, duke shënuar edhe një hap drejt fitores në zgjedhjet presidenciale. Pensilvania është një nga shtetet përcaktuese të zgjedhjeve.
Aktualisht Trump ka siguruar 270 vota elektorale, aq sa duhen për të siguruar mandatin presidencial përballë nënpresidentes Kamala Harris që ka fituar deri tani 214 vota të tilla.
Në fjalimin e tij të fitores, Trump u tha mbështetësve të tij ky moment “do ta ndihmojë këtë vend të shërohet”.
“Ne kemi një vend që ka nevojë për ndihmë dhe ka shumë nevojë për ndihmë. Ne do të rregullojmë kufijtë tanë dhe do të rregullojmë gjithçka për vendin tonë”, tha Trump.
“Tani është e qartë se ne kemi arritur gjënë më të pabesueshme politike… shikoni çfarë ndodhi, a është kjo çmenduri?” shtoi Trump.