Presidenti i SHBA-së, Donald Trump, tha sot se armiqësitë midis Pakistanit dhe Indisë janë zgjidhur, pasi u bëri thirrje të dy vendeve të përqendrohen në tregti në vend të luftës.
Në një fjalim drejtuar trupave amerikane në bazën ajrore Al Udeid të Katarit, gjatë një turneu në Lindjen e Mesme, Trump tha se Pakistani dhe India ishin të kënaqur me këtë, raportoi Reuters.
Vendet fqinje të armatosura me armë bërthamore i dhanë fund konfliktit, i cili zgjati nga 7 deri më 10 maj, kur ato ranë dakord për një armëpushim pas diplomacisë dhe presionit nga Shtetet e Bashkuara të Amerikës.
Siç është njoftuar, Trump do të udhëtojë për në Abu Dhabi në Emiratet e Bashkuara Arabe më vonë sot për pjesën e fundit të turneut të tij në Lindjen e Mesme, i cili zgjat nga 13 deri më 16 maj.