Tre persona janë lënduar në një aksident trafiku që ka ndodhur mes një kamioni dhe një furgoni në aksin rrugor Arllat – Malishevë, saktësisht në fshatin Tërpezë.
Lajmin e ka konfirmuar për UBTNews, zëdhënësi i Policisë, Nysret Xhurkaj, i cili bëri të ditur se shoferi i kamionit e ka humbur kontrollin e automjetit, me ç’rast ka dalë në shiritin tjetër të rrugës dhe e ka goditur furgonin.
“Në aksin rrugor Arllat – Malishevë, në fshatin Tërpezë, përball restorantit ‘Panorama’, kamioni në qarkullim ka devijuar nga shiriti i vet, duke kaluar në shiritin tjetër, me ç’rast ka goditur një furgon. Në furgon ka qenë shoferi dhe një pasagjer, të cilët janë lënduar. Edhe shoferi i kamionit ka pësuar lëndime trupore si pasojë e aksidentit. Tre të lënduarit janë në trajtim mjekësor”, tha Xhurkaj./UBTNews
