Gjatë 24 orëve të fundit tre mjekë janë sulmuar nga qentë endacakë, dy nga ta në oborrin e Qendrës Klinike Universitare të Kosovës dhe një jashtë QKUK-së. Lajmi u konfirmua nga Shërbimi Spitalor Klinik Universitar i Kosovës.
“ShSKUK ka kërkuar dhe në vazhdimësi dhe kërkon nga organet kompetente që të trajtojnë me prioritet çështjen e qenve endacak brenda oborrit të QKUK-së. Poashtu, konfirmojmë se tre mjekët kanë marrë trajtimin e duhur mjekësor në kuadër të QKUK-së”, thuhet në njoftim./UBTNews/