Kombet kanë arritur një marrëveshje historike për të mbrojtur oqeanet e botës pas dhjetë vjetësh bisedimesh. Ky traktat synon të mbrojë 30% të deteve deri në vitin 2030.
Marrëveshja u arrit të shtunën mbrëma pas 38 orë bisedimesh, në selinë e OKB-së në New York. Bisedimet ishin shtyrë prej vitesh për shkak të mosmarrëveshjeve mbi financimin dhe të drejtat e peshkimit.
Marrëveshja e fundit ndërkombëtare për mbrojtjen e oqeaneve u nënshkrua 40 vjet më parë në vitin 1982, Konventa e OKB-së për të Drejtën e Detit. Ajo marrëveshje krijoi një zonë të quajtur det i hapur – ujëra ndërkombëtare ku të gjitha vendet kanë të drejtë të peshkojnë, të transportojnë dhe të bëjnë kërkime, por vetëm 1.2% e këtyre ujërave janë të mbrojtura./UBTNews/