Prodhuesi japonez i makinave, Toyota, planifikon të investojë 1.8 miliardë dollarë në Indonezi në pesë vitet e ardhshme për ta bërë vendin një qendër rajonale të prodhimit për automjetet e saj elektrike, tha të mërkurën një zyrtar i qeverisë indoneziane.
Zëvendëskryetari, Shigeru Hayakawa mori zotimin në një takim të martën me një delegacion ministror indonezian në Tokio, tha kryeministri i ekonomisë i Indonezisë, Airlangga Hartarto.
“Unë besoj se kërkesa për automjete elektrike në Indonezi dhe në rajonin e ASEAN [Shoqata e Kombeve të Azisë Juglindore] në të ardhmen do të vazhdojë të rritet“, tha Airlangga në një deklaratë.
Indonezia është prodhuesi më i madh në botë i nikelit, i cili është një komponent kyç në bateritë e përdorura në automjetet elektrike, dëshiron të jetë një qendër rajonale e prodhimit për makinat me bateri.
Këtë vit, prodhuesi koreano-jugor i makinave Hyundai lançoi Ioniq 5, automjeti i parë elektrik i prodhuar në fabrikën e tij të re pranë Xhakartës. /UBTNews/