TikTok po provon një veçori të re të klipeve që zhduken, të ngjashme me ato në Snapchat, Facebook dhe Instagram.
TikTok Stories do t’i lejojë përdoruesit të shohin përmbajtjen e postuar nga llogaritë që ata ndjekin për 24 orë para se të fshihen.
“Ne jemi gjithmonë duke menduar për mënyra të reja për të sjellë vlerë në komunitetin tonë dhe për të pasuruar përvojën në TikTok. Aktualisht ne jemi duke eksperimentuar me mënyrat për t’u dhënë krijuesve formate shtesë për të sjellë krijimtarinë e tyre në komunitetin tonë”, tha një përfaqësuese e TikTok.
Kjo platformë gjigante e mediave sociale është e fundit që eksperimenton me funksionin e bërë së pari nga Snapchat.
Këtë javë, platforma rivale e mediave sociale Twitter, mbylli funksionin e storieve që ndryshe njiheshin si “fleets”, pasi nuk u përdor aq gjerësisht sa kishte shpresuar kompania.