Tetori është Muaji i Ndërgjegjësimit për Kancerin e Gjirit, dhe United Hospital ka kënaqësinë të prezantojë paketën e re për zbulimin e hershëm të kancerit të gjirit, një mundësi jetike për gratë që kërkojnë kujdes të avancuar dhe zbulim të shpejtë.
Kanceri i gjirit është një nga format më të zakonshme të kancerit tek gratë, dhe rëndësia e diagnostikimit të hershëm nuk mund të nënvlerësohet. Në këtë kuadër, United Hospital ofron një qasje të personalizuar dhe profesionale për të gjithë pacientët që kërkojnë kujdes parandalues.
Në kuadër të kësaj fushate ndërgjegjësuese, United Hospital ofron një paketë të dedikuar për zbulimin e hershëm të kancerit të gjirit, e cila përfshin:
- Ultratingulli i gjinjëve – Një metodë e sigurt dhe jo invazive për të zbuluar anomalitë në indet e gjirit. Ky ekzaminim ndihmon në identifikimin e masave të dyshimta dhe siguron diagnozë të hershme.
- Eritrosedimenti – Një test që tregon prani të inflamacionit në trup, i cili mund të ndihmojë në zbulimin e proceseve të ndryshme patologjike.
- Hemogrami – Analizë gjaku që jep informacion të detajuar mbi qelizat e gjakut, duke vlerësuar gjendjen e përgjithshme shëndetësore të pacientit.
- CA 15-3 – Një marker tumorale i cili përdoret për të monitoruar trajtimin dhe për të ndihmuar në diagnostikimin e kancerit të gjirit. Analiza realizohet vetëm nëse doktori e shikon të nevojshme.
Ky program udhëhiqet nga Dr. Mr. Sci. Saudin Maliqi, kirurg torakal me përvojë të gjerë në trajtimin e sëmundjeve të gjirit dhe diagnostikimin e hershëm të kancerit. Dr. Maliqi sjell ekspertizën e tij të pasur në fushën e kirurgjisë torakale, duke u siguruar që pacientet marrin kujdesin më të mirë të mundshëm gjatë gjithë procesit të zbulimit dhe trajtimit të sëmundjes.
Duke qenë se zbulimi i hershëm është një element kyç për trajtimin me sukses të kancerit të gjirit, ne ju inkurajojmë të mos lini pas dore kontrollet e rregullta. Paketa jonë e dedikuar për kancerin e gjirit është në dispozicion gjatë gjithë muajit tetor, me qëllim që çdo grua të ketë mundësinë të kujdeset për shëndetin e saj.
Në United Hospital, ne jemi të përkushtuar ndaj shëndetit tuaj. Mos hezitoni të bëni një hap të rëndësishëm drejt parandalimit të kancerit të gjirit dhe të përfitoni nga paketat tona diagnostikuese me çmime të favorshme./UBTNews/