Tetë persona kanë vdekur dhe 632 raste me COVID-19 janë regjistruar gjatë 24 orëve të fundit në Kosovë.
Instituti Kombëtar i Shëndetit Publik njofton se rastet e reja kanë dalë nga testimi i 3 mijë e 621 mostrave.
“Rastet pozitive janë nga komunat: Prishtinë 276 raste, Gjilan 35 raste, Mitrovicë 34 raste, Podujevë 34 raste, Pejë 33 raste, Gjakovë 28 raste, Ferizaj 25 raste, Fushë-Kosovë 24 raste, Vushtrri 24 raste, Viti 18 raste, Kamenicë 14 raste, Obiliq 12 raste, Suharekë 12 raste, Klinë 11 raste, Prizren 9 raste, Lipjan 8 raste, Drenas 7 raste, Istog 7 raste, Skenderaj 5 raste, Kaçanik 4 raste, Deçan 2 raste, Dragash 2 raste, Rahovec 2 raste dhe me nga një rast komunat Graçanicë, Hani i Elezit, Junik, Kllokot, Malishevë dhe Shtime”, thuhet në njoftimin e IKShPK-së.
Ndërkaq janë shëruar edhe 397 pacientë, duke e çuar numrin e përgjithshëm të të shëruarve në 63 mijë e 380.
Aktualisht në Kosovë janë 10 mijë e 318 raste aktive me COVID-19./UBTNews