Tetë nga dhjetë nxënës në shkollat afrikano-jugore kanë vështirësi të lexojnë deri në moshën 10-vjeçare, thotë një studim ndërkombëtar.
Afrika e Jugut u rendit e fundit nga 57 vendet e vlerësuara në këtë studim, i cili testoi aftësitë e leximit të 400 mijë studentëve në mbarë botën në vitin 2021. Analfabetizmi mes fëmijëve të Afrikës së Jugut u rrit nga 78% në vitin 2016 në 81%.
Ministri i Arsimit ia atribuoi këto rezultate mbylljes së shkollave gjatë pandemisë COVID-19.
Duke i përshkruar rezultatet si shumë zhgënjyese, Angie Motshekga tha se sistemi arsimor i vendit u përball me sfida të rëndësishme historike, sikurse varfëria, pabarazia dhe infrastruktura e papërshtatshme./UBTNews/