Fotografitë e para që shfaqin policët e armatosur duke pritur në korridorin e një shkolle në Uvalde të Teksasit muajin e kaluar, janë publikuar.
Zyrtarët policorë mbërritën më herët në sulm dhe me armë më të fuqishme se sa ishte raportuar më parë, duke përfshirë pushkë dhe mburoja kundër trazirave, sipas mediave amerikane që kanë parë dokumentet hetimore. Policia u akuzua se ka dështuar të parandalojë sulmin.
21 persona, përfshirë edhe 19 fëmijë kanë vdekur si pasojë e sulmit. Policia e Teksasit nuk i ka komentuar publikisht raportet, nga Austin American-Statesman dhe KVUE-TV. Më shumë detaje të të shtënave të 24 majit në klasën e shkollës fillore Robb pritet të paraqiten në një seancë publike në Senatin e Teksasit.
Sulmi nga një vendas 18-vjeçar – i identifikuar si Salvador Ramos – ka çuar në një debat të ri kombëtar rreth rregulloreve të armëve./UBTNews/