Të paktën 10 ushtarë u vranë në luftimet e reja në Jemen, thanë burime ushtarake për AFP, pavarësisht përpjekjeve diplomatike për të ndalur luftën e gjatë në vendin më të varfër të botës arabe.
Rebelët Houthi të mbështetur nga Irani sulmuan një zonë malore dhe janë angazhuar në një grumbullim të forcave në rajon, thanë dy burime ushtarake për AFP.
“Houthi-t nisën një sulm në kodrat që shohin rrethin Harib, në jug të Maribit, dhe bënë përparim në atë front, duke shkaktuar zhvendosjen e dhjetëra familjeve”, tha një nga burimet, duke folur në kushte anonimiteti.
“Të paktën 10 ushtarë u vranë, përveç një numri të panjohur sulmuesish”, shtoi burimi. Detajet e përplasjes u konfirmuan nga një zyrtar i dytë ushtarak./UBTNews/