Të dërguarit e Këshillit të Sigurimit të OKB-së kanë shkuar në Egjipt për të inspektuar pikën kufitare Rafah me Gazën, në mes të krizës së përkeqësuar në enklavën e rrethuar.
Vizita njëditore, e organizuar nga Emiratet e Bashkuara Arabe dhe Egjipti, pati pjesëmarrës disa ambasadorë, përfshirë ata nga Rusia dhe Britania e Madhe.
ShBA-ja dhe Franca nuk dërguan asnjë përfaqësues, raporton Al Jazeera.
“Nuk ka asnjë justifikim për mbylljen e syve ndaj dhimbjes dhe vuajtjes që i është shkaktuar popullit palestinez në Gaza”, u tha të dërguarve një zyrtar i Ministrisë së Jashtme egjiptiane gjatë një konference pas mbërritjes së tyre.
Ambasadorja e Emirateve të Bashkuara Arabe në OKB, Lana Nusseibeh, pohoi se vendet pjesëmarrëse po e bënin këtë në “kapacitetet e tyre kombëtare dhe personale”, dhe udhëtimi kishte për qëllim “të ndihmonte të kuptonte jo vetëm vuajtjet dhe shkatërrimin e përjetuar nga populli i Gazës, por edhe shpresën dhe forcën e tyre”.