Ndalimi i grave afgane që punojnë për Kombet e Bashkuara ishte një çështje e brendshme, thanë autoritetet talibane të vendit të mërkurën, duke shtuar se vendimi “duhet të respektohet nga të gjitha palët”.
“Emirati Islamik nuk dëshiron të krijojë pengesa për Kombet e Bashkuara”, tha zëdhënësi i qeverisë talibane Zabihullah Mujahid të mërkurën.
“Përkundrazi, ajo dëshiron të bëjë të qartë se kjo është një çështje e brendshme e Afganistanit, e cila nuk krijon problem për askënd dhe duhet të respektohet nga të gjitha palët”.
Nën interpretimin e tyre të ashpër të Islamit, autoritetet talibane kanë vendosur një sërë kufizimesh ndaj grave afgane që nga marrja e pushtetit në vitin 2021, përfshirë ndalimin e tyre nga arsimi i lartë dhe detyra në qeveri.
OKB-ja tha të martën se ndalimi po e detyronte atë të bënte një “zgjedhje të tmerrshme” nëse do të vazhdonte operacionet në Afganistan./UBTNews/