Talibanët e kanë shpallur degën e Shtetit Islamik ISIS-K një “sekt” të korruptuar dhe i kanë ndaluar afganët të kontaktojnë me të.
“Ne i bëjmë thirrje kombit që fenomeni rebel i quajtur ISIS-K i kohës së sotme është i pavlefshëm dhe një sekt i rremë që përhap korrupsionin në vendin tonë islamik. Është e ndaluar të keni çfarëdo lloj ndihme apo marrëdhënie me ta”, thanë talibanët në një rezolutë të së shtunës.
ISIS-K ka kryer sulme të shumta ndaj civilëve afganë dhe mendohet se është përgjegjëse për mijëra vdekje që nga formimi i saj në vitin 2015.
Rezoluta e talebanëve thoshte se Afganistani ndjek një sistem sundimi islamik dhe se “kundërshtimi i armatosur ndaj këtij sistemi konsiderohet rebelim dhe korrupsion”.
Mbledhja e Kabulit me 3,000 pjesëmarrës — të gjithë meshkuj, sipas medias shtetërore — përfundoi të shtunën me një thirrje ndaj bashkësisë ndërkombëtare që të njohë qeverinë e udhëhequr nga Talibanët e Afganistanit si legjitime./UBTNews/