Qeveria talibane e Afganistanit do të nënshkruajë një kontratë me një firmë kineze për të nxjerrur naftë në veri të vendit.
Kjo do të ishte marrëveshja e parë e madhe për nxjerrjen e energjisë me një firmë të huaj që kur talibanët morën kontrollin e Afganistanit në vitin 2021.
Marrëveshja 25-vjeçare nënvizon përfshirjen ekonomike të Kinës në rajon.
Zëdhënësi i talibanëve, Zabihullah Mujahid, tha se marrëveshja për nxjerrjen e naftës do të bëjë që Kompania e Naftës dhe Gazit të Azisë Qendrore të Xinjiang (CAPEIC) të shpojë për naftë në pellgun e Amu Daryas.
Një kompani shtetërore kineze është gjithashtu në bisedime për funksionimin e një miniere bakri në lindje të vendit.
Afganistani vlerësohet se ka burime natyrore – përfshirë gazin natyror, bakrin dhe tokat e rralla – me vlerë më shumë se 1 trilion dollarë./UBTNews/