Ministri turk i Mbrojtjes ka njoftuar se të premten në Stamboll do të mbahet një takim midis zëvendësministrave të mbrojtjes të Ukrainës, Rusisë dhe Turqisë për të diskutuar lidhur me iniciativën e grurit të Detit të Zi.
Rusia ka thënë se do të tërhiqet nga marrëveshja nga data 18 maj nëse nuk do të arrijë të eksportojë produktet e veta bujqësore, për të cilat ajo argumenton se po pengohet nga sanksionet perëndimore ndaj sektorëve sikurse bankat dhe sigurimi.
Më parë Ukraina ka shprehur gatishmëri për zgjatjen e marrëveshjes deri në një vit për t’i dhënë siguri tregut dhe dëshiron të përfshijë portet shtesë, sikurse Mykolaivin, në marrëveshje./UBTNews/