Sekretari i Aleancës për Ardhmërinë e Kosovës, Besnik Tahiri ka shprehur bindjen se Kosova do të arrijë të organizojë zgjedhje demokratike.
Ai pas takimit me ushtruesen e detyrës së presidentes, Vjosa Osmani, tha se diskutuan për afatet kushtetuese të zgjedhjeve, duke thënë se pas konsultimeve Osmani do të marrë një vendim për datën e zgjedhjeve brenda afateve kushtetuese.
“Diskutuam afatet kushtetuese, që ka dhënë edhe Gjykata Kushtetuese. U.d së Presidentes pas konsultimeve edhe me partitë tjera dhe do të marrë një vendim për një datë brenda këtyre afateve Kushtetuese”, tha Tahiri.
Ai s’ka folur për ndonjë koalicion të mundshëm. Tahiri ka thënë se çdo situatë që vendimi kthehet tek sovrani, ajo është festë dhe do ta kalojnë suksesshëm këtë.
“Diskutuam për kohën kushtetuese që kjo zgjedhje të ndodhin. Në çfarëdo situatë kur vendimi transferohet te sovrani ajo është një festë për të gjithë ne. Të gjithë ne tani më kemi një qartësi dhe vendimi është te populli”, tha Tahiri.