I akuzuari për sulmin e javës së kaluar ndaj Paul Pelosit, David DePape, po qëndronte ilegalisht në Shtetet e Bashkuara të Amerikës dhe mund të përballet me deportim, njoftoi Departamenti i Sigurisë Kombëtare të mërkurën mbrëma.
Sipas të dhënave federale, DePape, shtetas kanadez, hyri në ShBA në fillim të marsit përmes portit të hyrjes San Ysidro, që ndodhet përgjatë kufirit Kaliforni-Meksikë, si vizitor i përkohshëm. Në përgjithësi, kanadezëve që vizitojnë vendin qoftë për punë apo argëtim, nuk u duhet vizë dhe u lejohet të qëndrojnë në ShBA deri në gjashtë muaj.
DePape, 42 vjeç, akuzohet për një sërë krimesh, përfshirë sulm, tentativë vrasjeje dhe tentativë për rrëmbim. Ai theu shtëpinë e Pelosit në San Francisko javën e kaluar./UBTNews/