Policia e Kosovës ka arrestuar një 22-vjeçar, pasiqë i njëjti dyshohet se kishte sulmuar një 18-vjeçare. Shkak i sulmit mësohet të jetë një mosmarrëveshje.
“Më 09.01.2023 në ora 13:50, policia e stacionit në Ferizaj ka pranuar një informacion se në rrugën “Zenel Hajdini’’ në Ferizaj është një rast i sulmit. Në lidhje me këtë policët e rendit e më pas edhe policët hetues të stacionit në Ferizaj i kanë marrë veprimet e nevojshme, kanë dalë në vendin e ngjarjes dhe kanë arrestuar personin N.K ( M/K) i moshës 22-vjeçar, i cili shkak i një mosmarrëveshje e kishte sulmuar personin F.A ( F/K) e moshës 18-vjeçare”, thuhet në raportin 24-orësh të Policisë.
Policia të dyshuarin e kanë shoqëruar në stacionin e policisë në Ferizaj dhe pas intervistimit me vendim të prokurorit kujdestar nga Prokuroria Themelore në Ferizaj i njëjti është dërguar në mbajtje për 48 orë, për procedura të mëtejme hetimore.
Rasti është cilësuar “Sulm”.