Një nga luftanijet më të rëndësishme të marinës ruse është sulmuar nga Ukraina në Detin e Zi, një goditje masive për një ushtri që lufton kundër rezistencës ukrainase 50 ditë pas pushtimit të fqinjit të tij nga Vladimir Putin.
Ministria ruse e Mbrojtjes tha më 14 prill se një raketë lundruese ka shkatërruar municionet në anijen Moskva, por Maksym Marchenko, guvernator ukrainas në Odesa, që gjendet në Detin e Zi, tha se anija ruse u godit me dy raketa ukrainase Neptun, raketa që përdoren për të sulmuar anijet.
Ministria ruse e mbrojtjes tha të enjten se Moskva “është ende në det” dhe se po merren masa për ta tërhequr atë në port. Ministria tha se ekuipazhi u evakuua në anije të tjera të Flotës së Detit të Zi në zonë.
Çfarë dihet për anijen luftarake ruse: Moskva e gjatë 186 metra, me një ekuipazh prej gati 500 vetësh, është krenaria e flotës detare ruse në Detin e Zi. Fillimisht e porositur në Marinën Sovjetike si Slava në vitet 1980, ajo u riemërua Moskva në vitin 1995 dhe pas një rindërtimi rihyri në shërbim në 1998, sipas sajtit ushtarak Naval-Technology.com./UBTNews/