Sulmet e përsëritura në portet e grurit të Ukrainës këtë javë dëshmojnë se objektivi i Rusisë është “jo vetëm Ukraina, dhe jo vetëm jeta e njerëzve tanë”, ka thënë Volodymyr Zelensky.
Presidenti ukrainas tha në fjalimin e tij se portet e goditura dje mbajnë rreth një milion ton drithë.
“Është pikërisht ajo sasi që duhet të ishte dorëzuar tashmë në vendet e konsumit në Afrikë dhe Azi”, tha Zelensky.
Synimi i dukshëm i Rusisë ndaj infrastrukturës bujqësore të Ukrainës vjen disa ditë pasi Moska u tërhoq nga një marrëveshje që lejonte kalimin e sigurt të anijeve që transportonin grurë ukrainas në pjesën tjetër të botës./UBTNews/