Suedia do të transferojë sistemin e artilerisë Archer në Ukrainë në një përpjekje për të larguar trupat ruse, tha ministri i jashtëm Tobias Billstrom.
Duke folur për gazetarët, Billstrom tha se Ukraina kishte nevojë për më shumë armë nga Perëndimi dhe Suedia duhej të kontribuonte.
“Nuk është çështja nëse duhet ta dërgojmë, por kur ta dërgojmë”, tha ministri për gazetën suedeze Expressen.
I pyetur nëse kishte rrezik që lufta të përshkallëzohej nga ky veprim, Billstrom tha se ishte “e kundërta”.
Ai shtoi, “ne e kemi mbajtur veten prapa në këtë drejtim për një kohë shumë të gjatë”.
“Ne nuk e kemi kuptuar se nëse Ukraina nuk merr pajisjet ushtarake të nevojshme për të fituar në fushën e betejës, kjo luftë do të zvarritet, nga e cila do të përfitojë vetëm Vladimir Putin”.
Sistemi i Artilerisë Archer është një armë vetëlëvizëse për Suedinë dhe Norvegjinë.
Sistemi me rrota është ndërtuar me qëllim për të mbajtur ritmin me forcat tokësore që lëvizin shpejt dhe ofron lëvizshmëri superiore./UBTNews/