Gripi po përhapet në Shtetet e Bashkuara të Amerikës, por ka disa lajme shpresëdhënëse për sezonet e gripit në të ardhmen.
Në një hap të rëndësishëm, studiuesit kohët e fundit thanë se kanë qenë në gjendje të imunizojnë kafshët kundër 20 shtameve të njohura të virusit të gripit A dhe B, duke shënuar një hap të rëndësishëm drejt qëllimit të një vaksine të vetme kundër të gjitha llojeve të gripit.
Vaksinat aktuale të gripit e mbrojnë trupin kundër katër llojeve: dy llojeve të gripit A dhe dy llojeve të gripit B. Përbërja e këtyre vaksinave ndryshon çdo vit.
Disa lloje të caktuara dihet se qarkullojnë midis njerëzve, por shumë të tjera qarkullojnë te kafshët dhe shkencëtarët shqetësohen se këto viruse mund të kalojnë te njerëzit – papritmas duke na ekspozuar ndaj viruseve që sistemi ynë imunitar nuk i ka parë kurrë. Këtu do të ndihmonte një vaksinë universale e gripit.
Ideja është që këto vaksina shumëvalente mund të përgatisin trupin për të njohur këto viruse, nëse ndonjë prej tyre përhapet te njerëzit, duke ndihmuar në parandalimin e sëmundjeve të rënda dhe vdekjes./UBTNews/