Programi i Psikologjisë është hartuar sipas standardeve bashkëkohore, duke përmbushur udhëzimet dhe kërkesat e përcaktuara nga EuroPsy (European Certificate in Psychology) – e themeluar nga një prej institucioneve më kredibilitetin me të lartë në Evropë për përcaktimin e standarteve në profesionin e psikologjisë – dhe Korniza Kombëtare e Arsimit të Kosovës.
Programi ynë është i dizajnuar për të hedhur bazat në fushën e psikologjisë dhe për të pajisur studentët me njohuri dhe dije profesionale si dhe shkathtësi për t’i zbatuar njohuritë e tyre në praktikë.
Ky program ka për qëllim përgatitjen e profesionisteve të rinj duke filluar që nga teoritë bazë mbi zhvillimin dhe sjelljen e individit, personalitetin, të menduarit, të nxënit si deri tek vlerësimi dhe trajtimi i psikopatologjisë dhe problematikave të ndryshme psiko-sociale.
Qëllimi kryesor i programit në Psikologji është të avancoj metodologjinë e mësimdhënies dhe të mësuarit, të kontribuoj në komunitet e shoqëri dhe të promovoj kërkimin shkencor në psikologji.
Gjithashtu, stafi akademik i përkushtuar me përvojë të pasur akademike, mbart një shkallë të lartë profesionalizmi duke i mundësuar studentëve të fitojnë kompetenca dhe njohuri gjithëpërfshirëse të parimeve të sjelljes njerëzore dhe proceseve me natyrë psikologjike.
Niveli bachelor i studimeve në fushën e psikologjisë u jep studentëve një mundësi të shkëlqyer për shumë vende pune si në sektorin publik ashtu edhe atë privat.
Të diplomuarit në Psikologji kanë një sërë mundësish për të zhvilluar karrierën e tyre, duke u angazhuar në sistemin arsimor, kujdesin shëndetësor, në këshillim, psikoterapi etj.
Apliko tani! https://apliko.ubt-uni.net/