Qentë dihet se janë të shkëlqyeshëm në nuhatjen e kancerit, por hulumtimet e reja tregojnë se krimbat e vegjël janë gjithashtu mirë në këtë aspekt – dhe ata janë më të lehtë për t’u mbajtur në laborator.
Shkencëtarët në Universitetin Myongji në Korenë e Jugut zbuluan se krimbat lëvizin drejt qelizave kancerogjene sepse tërhiqen nga aroma e tyre e veçantë.
Studiuesit bashkuan një pajisje bazë “krimb në çip” që një ditë mund të ndihmojë mjekët të diagnostikojnë kancerin herët, joinvazivisht dhe më lirë.
Aktualisht, mjekët diagnostikojnë kancerin e mushkërive duke përdorur teste imazherike ose biopsi, por këto metoda zakonisht nuk mund të zbulojnë tumoret kanceroze në fazat e tyre më të hershme, kur ata do të kishin një shans më të mirë për t’u trajtuar.
Gjatë hulumtimit, shkencëtarët shtuan një pikë lëngu në një pajisje që përmbante qeliza të kancerit të mushkërive në njërin skaj dhe qeliza normale në anën tjetër dhe vendosën krimbat.
Pas një ore, ekipi vuri re se më shumë krimba ishin zvarritur drejt qelizave të kancerit të mushkërive sesa ndaj atyre normale.
Bazuar në testet e tyre, studiuesit vlerësojnë se pajisja ishte rreth 70 për qind efektive në zbulimin e qelizave të kancerit.
Gjetjet u prezantuan në një takim të Shoqatës Amerikane Kimike në San Diego, Kaliforni të dielën.
Jang dhe Choi zbuluan se krimbat e rrumbullakët tërhiqeshin nga qelizat e kancerit të mushkërive për shkak të një përbërjeje organike të paqëndrueshme të quajtur 2-ethyl-1-hexanol, e cila ka një aromë lulesh.
“Ne mendojmë se aromat janë të ngjashme me aromat nga ushqimet e tyre të preferuara”, tha Jang.
Ata tani shpresojnë ta bëjnë testin më të saktë duke bërë edhe më shumë hulumtime./UBTNews/