Gati dy të tretat e qytetarëve në Maqedoninë e Veriut besojnë se koronavirusi është krijuar për të kontrolluar njerëzit, kjo sipas një studim i ri, përcjell UBT News.
Rreth 65% e të anketuarve thanë se mbështesin teorinë e pabazuar se COVID-19 u krijua artificialisht në një laborator, sipas sondazhit.
Ndërkohë, një pjesë e madhe e qytetarëve në Maqedoninë e Veriut u besuan edhe teorive të tjera të pabaza në lidhje me pandeminë.
Rreth 46% e të anketuarve thanë se virusi po spërkatej në ajër duke përdorur aeroplanë. Dhe 44% mendojnë se ministria e tyre e shëndetësisë ka fryrë numrin e viktimave të COVID-19 sepse po marrin para.
Hulumtimi u krye nga Instituti Societas Civilis për Demokraci (IDSCS) në bashkëpunim me Qendrën Presidenciale për Edukim Politik (PCPO).
Analiza e IDSCS tregoi se qytetarët që ishin të punësuar dhe me arsim të lartë ishin më pak të ndjeshëm ndaj teorive të konspiracionit. Ndërkohë, ata të moshës 30 deri në 39 vjeç kishin më pak gjasa për t’i besuar pretendimeve të pabaza.
Analistët thonë se rritja e pretendimeve të pabaza është e lidhur me mosbesimin e thellë ndaj politikanëve dhe institucioneve demokratike.
Gazetari Stojkovski vuri në dukje mungesën e përgjegjësisë së qeverisë për zjarrin e fundit vdekjeprurës në një spital COVID-19 në Tetovë.
“Teoritë e konspiracionit dhe një mosbesim tek autoritetet – veçanërisht autoritetet shëndetësore – janë të lidhura me njëra-tjetrën”, tha ai për Euronews.
Sipas Our World In Data, vetëm 37.9% e të rriturve në Maqedoninë e Veriut janë vaksinuar plotësisht kundër virusit.
Sondazhi i IDSCS tregoi gjithashtu se një numër i konsiderueshëm i njerëzve në vend besojnë në teori të tjera të pabaza, ku rreth 29% e të anketuarve thanë se nuk besonin fare në ndryshimin e klimës./UBTNews/