Studimi i dijes dhe shkencës nuk është vetëm një rrugë akademike, por një sfidë emocionuese për të zbuluar potencialet dhe pasionet tona. Një histori e tillë e suksesit është e studentes Vita Kasapolli, e cila ka bërë një rrugë impresionuese në Fakultetin e Artit dhe Medias Digjitale në UBT.
Vita Kasapolli është një studente entuziaste dhe e përkushtuar, e cila shquhet për ndjekjen e pasionit të saj për industrinë kreative dhe jetën kulturore. Nëpërmjet angazhimit të saj në organizimin e aktiviteteve të Kinemasë “Jusuf Gërvalla”, një qendër kulturore kryesore në qytetin e Pejës, ajo shfaqi dëshirën për të shkëlqyer në këtë fushë.
Vita tregon se UBT ka qenë një vend i veçantë për të ndjekur ëndrrën e saj.
“UBT ka krijuar kushtet e zhvillimit të më shumë profesioneve se sa neve na tregohen nëpër shkollat fillore e të mesme. Si i tillë të shtynë që seriozisht të mendosh për kahjen e karrierës e zhvillimin profesional”, ka thënë Kasapolli.
Vita vendosi të vijojë studimet e saj në Art dhe Media Digjitale në UBT, pasi gjeti një rrethanë të përshtatshme për të ndjekur rrugën e saj profesionale. Ajo e përshkruan zgjedhjen e këtij programi si një përputhje perfekte me vizionin e saj për të qenë aktive në industrinë kreative.
Gjatë studimeve të saj, Vita ishte pjesë e Festivalit të Animacionit Anibar, një aktivitet i rëndësishëm në fushën e artit digjital. Ajo ka shprehur se dijet dhe përvojat e fituara në këtë festival i ka shfrytëzuar me sukses në fakultet, ndërsa edhe anasjelltas, informacionet dhe njohuritë e reja që ka përfituar në UBT i ka aplikuar në punën e saj në festival.
Përveç zhvillimit të aftësive kreative dhe dijes në aspektin kreativ, UBT ka ndikuar edhe në zhvillimin e vlerave dhe karakterit të Vitës.
“UBT më ka mësuar edhe disa vlera që ia vlejnë në çdo punë apo situatë që mund të gjendemi. Këtu hyn rëndësia e rolit tonë në një apo shumë komunitete, këmbëngulja dhe vendosmëria për të përparuar si individ dhe si shoqëri, e dëshira për të përkrahur dhe pranuar çdo njeri për atë që është”, shprehet Kasapolli.
Historia e suksesit të studentes Vita Kasapolli tregon se një përkushtim i ndjeshëm dhe zgjedhja e një institucioni të rëndësishëm siç është UBT mund të krijojë një rrugë të ndritur drejt arritjeve të mëdha në botën e shkencës dhe kulturës. Suksesi i Vitës është një frymëzim për të gjithë studentët që janë të përkushtuar ndaj pasioneve dhe që ndjekin ëndrrat e tyre në fushën e artit dhe medias digjitale.