Studentët e Fakultetit Media dhe Komunikim në UBT vizituan Radio Kosovën, nën udhëheqjen e mentores Albina Zeneli. Ata patën mundësinë të njihen më afër me punën e mediumit publik të Kosovës.
Puna në redaksi është një proces kyç në prodhimin e lajmeve dhe përmbajtjes mediatike. Redaksitë janë grupe gazetarësh, redaktorësh dhe profesionistësh të tjerë të mediave që punojnë për të krijuar, përzgjedhur dhe shpërndarë informacionin për publikun.
Për këtë arsye, UBT ofron mundësi intershipi për studentët e të gjitha drejtimeve, me theks të veçantë për atë të gazetarisë. Përveç ligjëratave nga profesorët, studentët kanë mundësinë të parashtronin pyetje, dhe përgjigjet u dhanë nga ushtruesja e detyrës së kryeredaktores, Rrezarta Zekaj, e cila u shpreh optimiste për kuadrot e reja.
“Kemi nevojë për studentët e gazetarisë, si për radio ashtu edhe për web, dhe mirëpresim punonjësit e rinj që të na bashkohen në ekip,” tha Z. Zekaj.
Nga dhoma e lajmeve deri tek pjesa teknike, stafi i RTK-së ishte i gatshëm të mirëpriste studentët dhe t’u shpjegonte në detaje punën e zellshme që zhvillohet.
Përndryshe, Radio Kosova është një stacion radiofonik i rëndësishëm dhe pjesë e Radiotelevizionit të Kosovës (RTK), që është shërbimi publik i transmetimit në Kosovë. /UBT News/
