Një ofensivë e re e madhe ruse në Ukrainë ka filluar, thotë NATO.
Duke folur me gazetarët të hënën, Sekretari i Përgjithshëm i NATO-s, Jens Stoltenberg tha se organizata nuk sheh “asnjë shenjë” se Vladimir Putin “po përgatitet për paqe”.
“Ajo që ne shohim është se presidenti Putin dhe Rusia ende duan të kontrollojnë Ukrainën”, tha Stoltenberg.
“Ne shohim se si ata po dërgojnë më shumë trupa, më shumë armë, më shumë potencial”.
Ukraina po përgatitet për një ofensivë të re — të madhe — nga Rusia, duke paralajmëruar më parë se ajo ka nevojë për avionë luftarakë dhe raketa me rreze të gjatë veprimi për ta kundërshtuar atë.
Në një përditësim të hënën, Stoltenberg tha se ministrat e mbrojtjes do të diskutojnë nëse do të furnizojnë Ukrainën me avionë gjatë një takimi dy-ditor në Bruksel këtë javë./UBTNews/