Një statujë e ish-udhëheqësit sovjetik Vladimir Lenin është ngritur në Heniçesk, një qytet i Ukrainës i pushtuar nga Rusia.
Shtatë vjet më parë busti i tij u hoq si pjesë e përpjekjeve për dekomunizmin.
Qyteti Heniçesk ndodhet në detin Azov në provincën Kherson, në veri të kufirit me Krimenë e aneksuar nga Rusia.
Tre foto, të postuara në Facebook, tregojnë statujën e re të Leninit përpara ndërtesës së këshillit rajonal. Në çatinë e ndërtesës shihet një flamur rus. Fotot e postuara janë gjetur dhe vërtetuar nga CNN.
Statuja origjinale e Leninit jashtë ndërtesës së qeverisë u hoq me urdhër të këshillit të qytetit më 16 korrik 2015. Sipas lajmeve lokale të kohës, Heniçesku ishte një nga qytetet e fundit në rajon që kishte një statujë të Leninit.
Juri Sobolevski, deputeti rajonal ukrainas për Khersonin, konfirmoi statujën e re në një postim në Facebook.